Entrega ofisial di Ookla® Speedtest Award

Entrega ofisial di Ookla® Speedtest Award

WILLEMSTAD: Djaluna mainta durante di un konferensia di prensa kombiná ku un selebrashon chikitu CEO di Digicel sr. Roeland van der Hoeven a hasi entrega ofisial di e Ookla® Speedtest Award na Digicel su CTO, sr. Julius Girigori. E rekonosementu trahá di marmer pretu i grabá ku lèter blanku tin un midí di 30 cm haltu i 15 cm hanchu i ta pisa 4 kilo. Ámbos kabayero a pone e rekonosementu riba un pedestal,  na unda ku bishitantenan lo por mir’é durante di e próksimo lunanan.  

Sr. van der Hoeven a felisitá, sr. Girigori i su tim ku e resultadonan di e Speedtest analisá dor di Ookla®, hasiendo Digicel ofisialmente e ‘fastest mobile network’ na Kòrsou. ”Danki na e trabou duru di e tim tékniko di Digicel, Kòrsou ta e promé isla den Caribe ku ta keda rekonosé ku un Speedtest® Award di Ookla®. Anteriormente, únikamente Haiti a yega di risibí e rekonosimentu aki, na 2017.  Pa prepará aun mas mihó pa futuro, Digicel lo sigui invertí den inovashon.”

Ookla® Speedtest Award ta keda otorgá na e proveedor basá riba un kompilashon di análisis di tèstnan inisiá pa e konsumidó riba plataformanan di Speedtest® mobil. E análisis a konsistí di mas di 5,000 ‘check-ins’ for di konsumidónan di tur proveedor, riba diferente dia, ora i sitio rònt Kòrsou for di yanüari pa yüni 2018. Digicel su Chief Technical Officer (CTO), sr. Julius Girigori ta splika ku na sèptèmber 2017, e tim tékniko di Digicel a bishitá 58 ‘tower’ ubiká rònt Kòrsou i a remplasá nan ku ekiponan nobo i modèrno di LTE. “Pa a minimalisá e posibel efektonan ku klientenan por a sinti, a traha dia i anochi. Hopi bes durante oranan di mardugá. Despues di vários siman di prueba, riba un 19 di desèmber Digicel por a lansa su ret LTE pa públiko. Teknologia nunka ta stòp, ku e ret ta den funshon, no ta nifiká ku nos trabou a kaba. Nos tim tékniko ta bishitá e antenanan regularmente pa mantenementu.”

 

Di akuerdo ku CEO, Sr. van der Hoeven, ta importante pa tur hende tin akseso na e mihó teknologia disponibel. “E konsumidó ta ferwagt di risibí informashon, data i nan dokumentonan tur momentu, na unda ku nan por ta. Nan ta deseá un konekshon rápido i esaki ta presis loke nos ret di LTE ta ofresé: un spit super lihé pa usa ku bo smarphone, di e manera ku bo ke. Usuarionan di Digicel tin plaser ora stream videonan riba un smarphone, tablet òf kualke aparato elektróniko ku ta hasi uso di internèt”.

E mainta a keda selebrá ku invitadonan, miembronan di prensa, personal i klientenan di Digicel. A traha un bolo den forma di e award i a repartí esaki pa tur hende. Klientenan por tuma nota di e award na Digicel Megastore Biesheuvel ku tambe a keda kompletamente rediseñá pa duna realse na e lema di ‘fastest mobile network’ na Kòrsou #LiheLiheTa. Durante di e próksimo simannan e award lo aksentuá e Megastore i lo tin diferente aktividat pa klientenan gana premio iselebrá e Ookla® Speedtest Award.

 


Contact Us
Contact us for more information on our products and services.
Need Help?
Got questions? We’ve got answers. Browse through our list of FAQs.
LIVE CHAT
We’re excited to chat with you. Live chat available from 8am - 8pm daily. Click the button below to get started.
Entrega ofisial di Ookla® Speedtest Award