SELEBRASHON 10 ANIVERSARIO DI DIGICEL A KUMINSÁ AYERA

SELEBRASHON 10 ANIVERSARIO DI DIGICEL A KUMINSÁ AYERA

SELEBRASHON 10 ANIVERSARIO DI DIGICEL A KUMINSÁ AYERA

Sten van der Ham durante evento ayera tardi: ”Digicel ta ankrá den komunidat di Kòrsou. Nos tei pa keda!”

WILLEMSTAD:  Digicel Kòrsou a duna inisio na selebrashon di nan désimo aniversario,”Ta un honor pa mi ta pará dilanti boso awe tardi pa selebrá 10 aña di Digicel Kòrsou”, esaki tabata palabranan di sr. Sten van der Ham, direktor di Digicel Kòrsou na momentu ku e’la hasi apertura di un evento spesialmente organisá pa prensa, empleadonan i un grupo selekto di invitado. “For di dia ku a tuma Curaçao Telecom (CT) te awòki, pueblo di Kòrsou por a konta ku nos pa tarifanan kompetitivo i konektividat di kalidat. Klaro, den transkurso di añanan nos komo empresa a krese i nos klientenan a krese huntu ku nos. No únikamente na kantidat pero na eksperensia tambe. Kòrsou por sigui konta ku Digicel pa hopi aña mas”.

“Durante di e último 10 añanan, Digicel Kòrsou a invertí 445 mion florin den ekonomia lokal. E aña aki nos lo sigui hasi esaki. Digicel tin 130 empleado, 97% ta lokal, nos ta ankrá den e komunidat di Kòrsou, esaki nos a demostrá na diferente okashon. Nos a pèrkurá pa durante di tur e añanan Kòrsou sinti presensia di Digicel. Ademas di kontribuí na ekonomia di Kòrsou, kreando kuponan di trabou i desaroyando talentonan nobo nos a pone nos skouder bou di diferente proyekto sosial i organisashonnan ku tin un impakto positivo den bida di e yu di Kòrsou”, asina Sten Van Der Ham a sigui bisa.

 

Durante di e evento pa prensa ayera atardi a introdusí diferente kampaña ku próksimamente lo forma parti di e trayekto di selebrashon. Asina por menshoná ku klientenan ku tin un postpago òf un prepago, ámbos lo por partisipá, ku chèns di gana premionan masha atraktivo! Pronto Digicel lo duna inisio na 10 dia di lokura ku deskuentonan grandi riba tarifa, telefon i otro produktonan. Di akuerdo ku Head of Marketing di Digicel Kòrsou, Shayenne Rock lo utilisá henter e plataforma pa selebrá 10 aña di Digicel na Kòrsou i ta inkluí Social Media. Gana premio ku Top-Up, Prepaid òf Postpaid. Ta dimes, ku si bo ta kliente di Digicel bo ta un ganadó kaba! Afiliá na e página di Facebook di Digicel pa keda na altura di tur oferta, eventonan òf detaye di kampaña i mira kon Abo tambe por partisipá.


Pa finalisá Sten van der Ham, direktor di Digicel Kòrsou a bisa,” Mi ta gradisí tur empleado pa nan dedikashon na nos empresa i pa garantisá satisfakshon di kliente, tambe un danki na tur kliente pa nan konfiansa i mi no por lubidá tur miembro di prensa ku den transkurso di añanan a bin ta sostené kada kampaña i esfuerso publisitario. Digicel lo sigui traha pa elevá e eksperensia di kada usuario. Esei ta nos kompromiso”.

Contact Us
Contact us for more information on our products and services.
Need Help?
Got questions? We’ve got answers. Browse through our list of FAQs.
LIVE CHAT
Live chat available daily from 8:00am to 8:00pm.
SELEBRASHON 10 ANIVERSARIO DI DIGICEL A KUMINSÁ AYERA