DIGICEL A LANSA ‘WOMEN IN LEADERSHIP’

DIGICEL A LANSA ‘WOMEN IN LEADERSHIP’

DIGICEL A LANSA ‘WOMEN IN LEADERSHIP’

Un programa di entrenamentu pa enkurashá i empoderá hende muhénan den henter Karibe

WILLEMSTAD: Resientemente Digicel tabata anfitrion di ‘Women in Leadership, esaki komo sosten na diferente inisiativa ku ta enkurashá hende muhé pa tuma ròlnan aktivo den desaroyo di ekonomia global. E foro spesialmente dediká na hende muhé den posishonnan di liderazgo a tuma lugá na The Palms na Turks and Caicos i tabata e evento klousurá un entrenamentu ku a konsistí di 6 módulo. E meta primordial tabata pa enkurashá hende muhé pa aspirá posishonnan di impakto. Ademas di esaki, a motivá esnan ku ya kaba ta envolví den un ròl di liderazgo pa nan sigui ta transendental den nan respektivo área di trabou.

E foro ku tema ‘Developing and Empowering our Female talent in the Caribbean’ a konta ku presensia di riba 100 hende muhé ku a risibí e oportunidat di skucha un pènel di orador distinguí ku a kompartí e diferente desafionan ku nan a konfrontá riba nan kaminda pa éksito. E oradornan a inkluí honorabel Vise Gobernador, Anya Williams, tambe Vise Promé Minister Akierra Missick; Minister di Enseñansa Josephine Connolly i Prokurador General, Rhondalee Braithwaite-Knowles. Entre e oradornan tambe Sharlene Cartwright-Robinson lider di oposishon den gobièrnu di Turks and Caicos ; Margareth Ramsey-Hale, Presidente di Korte Supremo; Jennifer Carnegie, Digicel Group Chief People Officer, Sonia Bien-Aime, Presidente, TCIFA i Mona Beeson, Direktor General di The Sands Hotel.

E serie di ‘Women in Leadership Learning’ (WILL) ta un programa di desaroyo ku a keda lansá na Desèmber di 2015 pa yuda empoderá e hende muhé den un posishon komo lider, na Digicel. E meta di e programa ta pa sostené i desaroyá e hende muhé via di tayernan intenso, entrenamentu ehekutivo i un programa di mentor ku ta hasi nan kompatibel ku otro lidernan empresarial.

E programa WILL ta keda ofresé den un pakete di kuater dia dinámiko yená ku senarionan, téknika i táktika empresarial. E programa ta diseñá pa krea aptitutnan serka kada lider, e.o konfiansa propio, siña kon pa planifiká bo karera i tambe ta eksponé kada partisipante ku diferente role model. WILL ta inkluí entrenamentu ehekutivo i un programa edukativo. Entre e mas ku 100 hende muhénan ku a partisipá tabatin un grupo for di diferente skolnan sekundario, ku tambe tabata masha entusiasmá pa skucha e diferente oradornan, hasi pregunta na e pènel i tende for di otro hende muhénan ku a kaba di kuminsá nan karera na Digicel den un funshon di lider.

Head of Marketing di Digicel Kòrsou, Shayenne Rock tambe tabata presente i ta mira e kuater dianan di WILL komo un hèrmènt importante i un inspirashon pa kada hende muhé den nan funshon komo ehekutivo òf na kabes di un departamento òf empresa. Mas aleu e ta splika,”E meta di Digicel ta pa enkurashá e hende muhé pa tuma ròlnan aktivo den desaroyo di ekonomia global i pa tuma di desishonnan importante ku por tin un impakto direkto den desaroyo di kualke empresa.”

Contact Us
Contact us for more information on our products and services.
Need Help?
Got questions? We’ve got answers. Browse through our list of FAQs.
LIVE CHAT
Live chat available daily from 8:00am to 8:00pm.
DIGICEL A LANSA ‘WOMEN IN LEADERSHIP’