Karnaval FAQs

Select language
Karnaval 2019 FAQs

Kondishon General Digicel Curacao

Kampaña Red Prize Digicel

 

E kampaña Red Prize di Digicel tin komo meta pa gruponan di karnaval aksentuá e kolo kòrá  durante marcha grandi i marcha di despedida  di karnaval 2019.

Pregunta i kontesta pa partisipá na  Red Prize Digicel

 

INSKRIPSHON & PARTISIPASHON

Tin ku inskribí?

  • No. Grupo di karnaval òf individual , lo mester show off  e detaye kòrá dilanti di e huradonan di Digicel.

Tin ku paga pa partisipá?

  • No. Partisipashon ta grátis.

Kon yama e premio?

  • Premio Keintura Kòrá

Ken ta responsabel p’e premio?

  • Digicel Curaçao

Kiko e premio ta?

  • 10,000 florin kèsh

Kon bo ta bin na remarke pa gana e premio?

  • E disfras mas kòrá
  • E grupo mas kòrá
  • E aksento/ detaye mas kòrá
  • E persona òf grupo mas kòrá

Kuantu premio tin?

  • Un (1)

Ki dia ta anunsiá e ganadó?

  • 16 di Mart 2019, huntu ku tur otro premio di JAG

E premio aki ta ligá ku Fundashon JAG?

  • No, ta Digicel ta otorgá e premio aki.

 

HURADO + PUNTUASHON

Kuantu hende tin den kuerpo di hurado di Digicel?

  • E hurado lo konsistí di 5 hende

Ken ta e huradonan?

  • Pa saka e ganadó di e 10,000 florin Digicel a selektá un grupo di hurado konsistiendo di un kosedó, tambe un persona ku amplio konosementu den arte visual, un aktor i un representante di turismo.  Kada un di nan ta profeshonal, independiente i vèrsá riba nan tereno i ku amplio konosementu di e materia.

 

Kon e huradonan ta funshoná?

  • Kada miembro di hurado ta yena un lista pa kada grupo/persona individual den marcha. Despues nan ta reuní i konta e puntonan. E grupo/persona ku mas tantu punto ta gana.

Ta a base di e lista só Hurado ta skohe?

  • No. Dilanti di stènt di Digicel na JPF lo tin un fotógrafo tambe ku ta saka pòrtrèt di tur grupo/persona individual. Despues di e marchanan hurado lo mira tur e pòrtrètnan aki komo referensia i adaptá nan puntuashon si akaso nan no a logra wak un detaye durante e marchanan mes.

Kriterio di hurado?

  • Kada miembro di hurado lo duna un punto entre 1 i 5 pa e siguiente elementonan:
  • E totalidat di e disfras
  • Kon a inkorporá kòrá den e disfras
  • Kon visibel e kòrá ta
  • Presentashon di e koló kòrá dilanti di hurado
  • Originalidat i uso di e koló kòrá
  • Èkstra punto pa elemento i detayenan sorprendente

Kuantu punto por haña?

  • Kada elemento menshoná ariba por haña un máksimo di 5 punto. Si un grupo/persona individual ta haña 5 punto pa tur elemento, e lo risibí un máksimo di 35 punto di kada miembro di hurado.

Ki ta pasa si mas ku un grupo/persona individual tin mes tantu punto?

  • Den kaso ku 2 òf mas grupo/persona individual tin e mes kantidat di punto miembronan di hurado lo reuní i deliberá ku otro riba ken ta e ganadó. 

Kon por tin sigur ku hurado a mira mi?

  • Ora bo pasa dilanti di e stènt di Digicel na JPF unda e hurado ta sintá, sigurá bo mes ku bo ta show off bo mes dilanti di hurado.
  • Sòru ku e fotógrafo dilanti di e stènt di Digicel saka un pòrtrèt di bo grupo òf bo persona si bo ta partisipá individual.

Unda e hurado ta sintá?

  • Kantu di kaya, den stènt di Digicel, na JPF riba seru.

Ki dia hurado ta huzga?.

  • Dos be: durante Gran Marcha djadumingu i atrobe Djamars anochi durante Marcha di Despedida

 

USO DI KÒRÁ I MATERIAL

Por usa tur sorto di kòrá?

  • Si, pero ta rekomendá e kòrá bibu di Digicel

Ki tipo di material por usa?

Por usa tur sorto di material. Aki bou algun ehèmpel; sea kreativo!

  • Pluma
  • Stenchi
  • Boa
  • Payèt
  • Filt
  • Ferf
  • Make Up
  • Gleter
  • Tuil
  • Kadena
  • Kralchi

Ki aspektonan por aksentuá ku kòrá?

  • Disfras
  • Kabei
  • Kos ku ta karga den man
  • Sapatu
  • Asesorionan
  • Kurpa (man, pia, barika, lomba, etc)

Por usa body paint?

  • Si

Tur hende den grupo mester usa kòrá?

  • No

Ta solamente ora bo ta totalmente kòrá bo por gana?

  • No

Karosa òf trailer tambe por partisipá?

  • No

Grupo internashonal tambe por partisipá?

  • No. Solamente gruponan ku tin nan sede na Kòrsou por partisipá.

Mi mester kambia e disfras ku mi tin kaba pa partisipá?

  • No. Djis añadí elementonan kòrá i sòru ku nan ta lusi. Maksimalisá bo efektonan kòrá.

 

Digicel ta reservá tur derechi di kambia òf terminá e kondishon ariba menshoná na kualke momento. Den un kaso asina, Digicel lo notifiká esaki via Digicel su website. E posibel kambio lo drenta mesora na vigor.

 

 

 

Contact Us
Contact us for more information on our products and services.
Need Help?
Got questions? We’ve got answers. Browse through our list of FAQs.
LIVE CHAT
Live chat available daily from 8:00am to 8:00pm.
Karnaval FAQs