Digicel ta implementa medida pa garantisa bon experiencia y conectividad pa tur cliente

Please select your language
Digicel ta implementa medida pa garantisa bon experiencia y conectividad pa tur cliente

ORANJESTAD: Duna comunidad di Aruba e libertad pa hasi uzo di data ilimita ta un orguyo y placer inmenso pa Digicel, esaki durante di e ultimo añanan. “Nos lo sigui hasi esaki, specialmente awor cu comunicacion mobil/ digital ta mas importante cu nunca. Teniendo cuenta cu e desaroyonan di COVID-19 y e recien activa ‘toque de queda’ por mira un aumento drastico den uzo di cierto servicionan cu ta rekeri un trafico halto di data, manera streaming di musica y television”, esaki di acuerdo cu Thaina Maduro. Digicel tin comprencion pa esaki, tin un motibo pa kico nos mayornan semper tawata corda nos riba e orario cu nos mester ta na cas. E por ta frustrante y laaf, y awendia cu asina tanto opcion pa entretenimiento, e por ta un tentacion pa haci uzo di nan tur, tin biaha simultaniamente.

 

Medidanan pa garantisa un bon experiencia pa tur usuario:

Thaina Maduro ta sigui splica, cu Digicel ta experienciando un uzo sin precedente riba nan red durante COVID-19 y pa mantene un bon experiencia pa tur usuario, lo implementa algun upgrade pa facilita e uzo halto di data. “Nos ta comprometi pa garantisa un conectividad halto na tur usuario, permitiendo tur hende pa keda na altura cu tur desaroyo den nos pais. Pa motibo di esaki- y te ora cu e actualisacion termina, lo limita uso di LTE data plan na 1 GB pa dia”.

 

Yama pa cualkier parti di mundo:

Digicel ta gradici su clientenan pa e comprencion y como gesto di aprecio y di solidaridad, lo ofrece un compensacion. Tanto clientenan prepaid y postpaid cu un plan di data ilimita lo ricibi pa e duracion di e reduccion temporal di FUP, minuut pa yamada gratis pa cualkier parti di mundo, esaki ta riba red di Digicel y pa cualkier otro proveedor. Digicel ta convenci cu e modificacion lo ta temporal y ta gradici su clientenan pa e comprencion. Ta apela na tur usuario y henter comunidad pa sigui monitor COVID-19 di serca y pa cumpli cu instruccionnan di gobierno y autoridadnan local.

Contact Us
Contact us for more information on our products and services.
Need Help?
Questions? We’ve got answers. Browse through our list of FAQs.
Live Chat
Live chat available daily from 8:00am to 5:00pm.
Digicel ta implementa medida pa garantisa bon experiencia y conectividad pa tur cliente