Digicel hunto cu Fundacion Pa Nos Comunidad a tene Food Drive

Please select your language
Digicel hunto cu Fundacion Pa Nos Comunidad a tene Food Drive

A traha hunto pa yega na basketnan pa duna famianan den necesidad

 

ORANJESTAD, Aruba – 13 di December 2017: Digicel a partner cu Fundacion Pa Nos Comunidad unda cu a scoge diasabra, 9 di December, pa haci un Digicel Food Drive. Durante e food drive hendenan a trece diferente producto manera bleki sopi of cuminda cu no ta daña y asina aki Digicel a traha basketnan pa duna e fundacion. Fundacion Pa Nos Comunidad lo a percura pa entrega e basketnan na esunnan cu menos recurso.

Digicel Aruba a join Fundacion Pa Nos Comunidad y pa nan tabata un placer pa yuda e fundacion cu un gesto asina grandi y e ta algo bunita. Tin hopi hende di menos recurso aki na Aruba. Wanda Broeksema, CEO di Digicel Aruba a splica; cu Digicel ta conoci den henter Caribe cu semper nan ta duna bek na comunidad.

Jennifer Kock, Digicel’s Marketing and Branding Manager a splica cu Digicel tabata pensa kico nan por haci pa asina duna bek na comunidad. Fundacion Pa Nos Comunidad ta hopi activo y Pasco ta e temporada di duna. “No ta solamente duna e personanan cu ta cerca di bo, duna un familiar of un amigo, pero duna un otro cu ta den necesidad”, el a expresa. Asina aki Digicel a dicidi di partner cu Fundacion Pa Nos Comunidad pa haci e Food Drive di dia 9 di December.

Fundacion Pa Nos Comunidad ta e unico “food bank” di Aruba y ta yuda famianan cu ta den necesidad. E fundacion aki ta yuda e famianan den un forma structural pa mas di 7 aña, asina manager di operacion di Fundacion Pa Nos Comunidad, Nelkis Arends-Martinez a expresa. Tur esaki ta danki na e sosten di comunidad y comerciantenan cu ta kere den e trabou cu e fundacion ta haciendo. “Pa nos e ta mas cu un placer y nos ta sumamente gradici cu Digicel p’e iniciativa aki”, el a expresa. Yena cu energia e personal di Digicel hunto cu Fundacion Pa Nos Comunidad tabata spera riba e donacion di henter comunidad di Aruba.

Pa por yuda e famianan den necesidad, Fundacion Pa Nos Comunidad ta traha cu mas di 50 otro organisacion di Aruba y nan ta encarga pa haci estudio rekeri na cada un di e famianan. E bishitanan hunto cu e trahado social ta pa por determina ki tipo di asistencia e famia mester. Fundacion Pa Nos Comunidad tin 2 trahado social y ta haci e trabou mas detaya pa bishita famia y constata e necesidad pa asina e fundacion por brinda e asistencia. Na cualkier momento pueblo di Aruba of comerciantenan por acerca e fundacion pa asina duna asistencia y esunnan cu kier ta un donado structural, por haci esaki por medio di un “standing order” na tur 4 banco. Asina aki pa ful 1 aña e comerciante por ta donado y asina ta yuda pone cuminda riba mesa di e famianan mas vulnerabel di comunidad.

 

Over di Grupo di Digicel

Grupo di Digicel ta un comunicacion total y proveedor di entretenimento cu ta opera den 31 mercado den Caribe, America Central y Pacifico di Asia. Tambe Digicel ta anfitrion un comunidad di base di iniciativa rond di e mercado, inclui Fundacion di Digicel na Haiti, Jamaica, Papua New Guinea y Trinidad y Tobago cu ta enfoca riba educacional, cultura y programanan social di desaroyo. Bishita www.digicelgroup.com pa mas informacion.

 

Contact Us
Contact us for more information on our products and services.
Need Help?
Questions? We’ve got answers. Browse through our list of FAQs.
Live Chat
Live chat available daily from 8:00am to 8:00pm.
Digicel hunto cu Fundacion Pa Nos Comunidad a tene Food Drive