Vision di e compania di comunicacion

Please select your language

Vision di e compania di comunicacion ta

" No Laga Ningun Hende Atrás"

Digicel ta cla pa haci inversion di US50M den red di fyber rond Aruba

ORANJESTAD, Aruba - 12 di October 2016: Similar na e Metanan di Desaroyo Sostenibel di Nacionnan Uni cu ta conta pa tur nacion; Digicel ta cla pa, for di awo caba, no laga ningun hende atras. Como un compania di comunicacion y entretenimento cu ta  opera den henter Caribe, Centro America y Pacifico Asiatico, e obhetivo di Digicel ta pa conecta hende cu experiencianan superior y ora cu ta trata di nos comunidadnan, sigura cu e ciudadanonan por beneficia di nan presencia eynan.

E vision Digicel ta pa yuda crea un mundo caminda ningun hende ta keda atras. Un mundo caminda ningun hende ta keda atras ta zona bon, berdad? Imagina con esey lo mustra pa Aruba! Imagina un Aruba cu un economia diverso y vibrante caminda multiple industria ta florece cu trabounan cualifica y caminda trabounan ta abundante y varia; imagina un Aruba cu ta funciona manera e Silicon Valley di Caribe; imagina un Aruba cu ta sirbi como e porta di entrada pa negoshi na Merca, Latino America y Europa. Esey ta e vision cu Prome Minister di Aruba ta trahando riba dje, esta pa crea prosperidad sostenibel, un asunto cu ta zona emocionante, berdad?  Sigur cu si!

Sinembargo, awendia hopi di esaki lamentablemente no ta posibel dor di e ‘status quo’ actual. Di kico nos ta papiando? Nos ta papiando di conectividad. Puro y simpel. Y den e caso di Aruba, e falta di opcion den e tereno aki!

Ta un hecho comproba cu ora ta papia di habri caminda pa crecemento economico, conectividad ta di maximo importancia. Un sin fin di estudionan ta cita un co-relacion directo entre penetracion di broadband y e crecemento di GDP y inversionistanan stranhero directo ta cita conectividad den nan 5 rekisitonan mas importante ora busca un pais pa inverti.

Den e Aruba di awendia, nos ta depende riba un compania so pa nos infrastructura di comunicacion fiho y e compania ey ta Setar. Ta un hecho conoci cu ora un compania tin competencia den un mercado, esey ta push’e pa mehora su desempeño. Mas importante ainda, den e mundo conecta di awendia, e dependencia riba un compania so (y e falta di capacidad pa adapta y e asina yama “redundancia”, of den palabra simpel, back-up) ta laga nos mustra manera un pais cu ta expone na riesgo.

Digicel ya caba a demostra con competencia por beneficia clientenan dor di loke nos a haci den e tereno di telefon celular. Awo nos ta puntrando pa un oportunidad similar den e mercado di telefon fiho.

Relaciona cu esey, Digicel ta para cla pa haci un inversion di US $50 miyon pa construi e plataforma di fiber rond Aruba. E inversion aki lo resulta den e creacion di un 60 cupo di trabou directo – y hopi mas indirecto. E beneficionan di e compromiso aki lo ta multifacetico – pone di un manera cla, tur hende ta beneficia. E ta un ‘win win’.

Con?

1)    Gobierno di Aruba por posiciona como un miho pais como un destino atractivo pa inversion stranhero directo den actividadnan di ICT y Business Process Outsourcing, mientras ta beneficia dor di tin mas empleo y mas entrada di impuesto den e caha di Gobierno;

2)    Negoshinan por beneficia for di e redundancia y flexibilidad cu ta absolutamente imperativo den e mundo conecta di awendia; 

3)    Consumidornan por beneficia for di e velocidad mas halto, acceso y prijs cu competencia ta brinda.

Den corto, logrando e meta di “Imagina Aruba” di Digicel, - nos mester construi nos economia di conocemento. Y pa haci esey, nos mester di conectividad. Nos ta pidi respetuosamente pa haya e oportunidad pa construi nos red fiho. Mas importante, nos ta pidi e oportunidad pa yuda Aruba logra su metanan di desaroyo sostenibel, pa no laga ningun hende atras; mientras ta permiti Digicel realisa su vision pa e isla aki tambe.

Nos vision ta pa un Aruba caminda ningun hende ta keda atras. Ban traha hunto pa imagina Aruba.

FIN

Contact Us
Contact us for more information on our products and services.
Need Help?
Questions? We’ve got answers. Browse through our list of FAQs.
Live Chat
Live chat available daily from 8:00am to 8:00pm.
Vision di e compania di comunicacion